من أكتر الحاجات ألي نفسي أشوفها مختفيه في الدنيا هي "البنات الخايبه معدومة الشخصيه" أو الستات "قليله الحيله مكسورة الجناح ودول بجد أكتر ناس بحس أن حياتهم مجرد مأساه كبيره معيشين نفسهم فيها ومش وراهم غير الخروج الدائم من تجربه فاشله لتجربه تانيه أفشل منها ومعندهمش غير الشكوي والعيش في دور الضحيه ومهما شافوا في الدنيا مابيتعلموش أبد
الستات أو البنات ألي بلشخصيات دي أنا حقيقي بأشفق عليهم جدا ومعرفش ليه مابيحولوش يغيروا من نفسهم ويقووا من شخصياتهم قوة الشخصيه مش معضله أبدا صعب الوصول ليها والتغيير الحقيقي ديما بيبدأ بالذات وعلشان الست يكون عندها شخصيه لازم أولا يكون عندها ثقه كبيره بنفسها والثقه بالنفس عمرها ماهتيجي غير لو هي راضيه عن نفسها و مبسوطه بالي عندها ومركزه في ألي فأيدها ومش مهتمه بالي مع غيرها وأنها فعلا تقدر تكون راضيه عن كل حاجه وحشه عدت عليها وعن كل تجربه فاشله مرت بيها وعن كل حب او حاجه حلوه أستنت تاخدها من الدنيا ولسه ما أخدتهاش وواثقه ديما ان ربنا اكيد مخترلها ألأفضل ومابتعملش غير ألي بتحبه ومرتحاله ومصدقاه ومابترهقش قلبها وتستنزف مشاعرها وقت طويل في علاقات فاشله أو غير مضمونه وأنها عارفه أزاي تكون متصالحه بسلام مع ألانسانه ألي جواها ومتناسقه معاها بحب وبصدق و ديما حطه كرامتها فوق أي حد وفوق أي حب وفوق أي أعتبار

عظمة